PROIEKTU-PROPOSAMENAK

Jarraian, 3 ikastetxeetan boto gehien jaso dituzten 6 proiektuak azaltzen dira. Proiektu horiek Tolosako udaletxeko osoko bilkuren aretoan erakutsiko dira, eta bertan talde bakoitzak bere proiektu-proposamena aurkeztu eta defendatuko du Tolosako udalerriko eta Gipuzkoako Foru Aldundiko agintari eskudunen aurrean.

 

Horrela, ikasleek aukera izango dute beren ideiak, kezkak edota beharrak Udaleko eta Aldundiko politikariei eta teknikariei helarazteko, haien iritziak eta gomendioak entzuteko eta, azkenik, emaitzaren arabera, agenda publikoetan beren proposamenak jasotzeko.